Description

எஸ்.ஜி.இராமாநுஜ நாயுடு

கதை சொல்வதில் சமர்த்தர் ‘ என்று புதுமைப்பித்தனால் பாராட்டப்பட்டவர் முதுபெரும் பத்திரிகையாளர் எஸ்.ஜி. இராமனுஜலு நாயுடு ( 1886 – 1935 ).

பாரதி பற்றி விரிவான நினைவுக் குறிப்புகளை முதன் முதலில் எழுதியவர் என்று பாரதி அன்பர்கள் இதுவரை நினைவுகூர்வார்கள், 1928 இல் பாரதி நூல்கள் அரசால் பறிமுதல் செய்யப்பட்டபொழுது ’ சென்றுபோன நாட்கள்’ தொடரில் இவர் பாரதி பற்றி எழுதிய நெடும் கட்டுரை ஓரு  ”கிளாசிக் “ ஆகும்.

1926-1934 இல் எஸ்.ஜி. இராமநுஜலு நாயுடு எழுதிய ‘ சென்ற்போன நாட்கள் ‘ பாரதி உட்படப் பதினெட்டுப் பழம் பத்திரிகையாளர்களை நினைவுகூர்கிறது, முதல்முறையாக இபொழுது நூலாக்கம் பெறுகிறது. துல்லியமான பல புதிய தகவல்கள், தனித்துவமான கண்ணோட்டம், சுவையான நடை – இவை இந்த நூலின் சிறப்புகள்.

பல்லாண்டுக் காலப் படைப்பூக்கம் மிகுந்த ஆராய்ச்சியின் விளைவாக இந்நூலைத் தேடிப் பதிப்பித்திருக்கும் ஆ. இரா. வேங்கடாசலபதி, துப்பறியும் கதை போல் விரியும் ஓரு நீண்ட முன்னுரையினையும் எழுதியுள்ளார்.

ரூ.125/-