Description

தமிழ் மொழியின் பெரிய ஆளுமையான கவிஞர் பிரமிள் மொழிபெயர்த்த கவிதைகளின் தொகுப்பு இது. உலக இலக்கியப் படைப்புகளைத் தொடர்ந்து வாசித்த நேரங்களில் தனக்குப் பிடித்த பல கவிதைகளைப் பிரமிள் மொழிபெயர்த்திருக்கிறார்.

இந்திய ரிக்வேதம், உபநிஷதம் தொடங்கி பாப்லோ நெருடா, எஸ்ரா பவுண்ட், பிரெக்ட், கலீல் கிப்ரான், ஜோஸப் பிராட்ஸ்கி முதலான பல உலக இலக்கியத்தின் முக்கியமான கவிஞர்களின் வரிகளை நேர்த்தியாகவும் வாசிப்புச் சுலபத்தன்மையோடும் இனிமை சார்ந்த செறிவோடும் தமிழில் தந்துள்ளார்.

உலக இலக்கிய உச்சம் எனத்தக்க ஜே.கிருஷ்ணமூர்த்தியின் ‘பாதை’ கவிதை இத்தொகுதி யின் சிறப்பம்சம். பிரமிளுக்கு இயல்பாக அமைந்த கவித்துவத்தோடு அவரது ஆன்மிகத் தேடலும் வெளிப்படும் விதமாகக் கவிதைத் தேர்வுகள் அமைந்துள்ளதை வாசகர்கள் இத்தொகுப்பில் உணரலாம்.